嘉寶漢堡 (嘉寶大廈)

營業中

休息中

一直都有keep住幫襯嘉寶，質素keep得好好，不過店內環境衞生可再改善。黑松露芝士牛堡 $46好多黑松露醬好開心，食落唔會太濃味所以唔會覺得膩。牛肉有肉汁，唔會乾身，正。雙層芝士牛堡 $52成個漢堡好juicy, 芝士半溶狀態好正。牛肉厚度夠，兩塊加起成個漢堡好夠高身。加$15升級套餐有小食＋飲品炸燒賣外脆內煙韌，回頭率極高！要襯熱食呀！蕃薯條（另再加$4）粗條蕃薯條，熱辣辣，香蕃薯味，口感食得出真材實料滿滿蕃薯。