桂花小幸 (元朗廣場)

營業中

休息中

元朗聽落就好似好遠咁樣，不過其實各大商場都有唔少嘅好嘢食嘅，今次就去咗食一間平民化嘅台灣嘢，質素同埋價錢都好合理唔錯㗎餐廳就喺元朗廣場，完全唔難搵，入到入面之後環境都非常光猛，燈光偏向柔和，進餐環境來講幾舒服㗎鹽酥雞排滷肉飯一擺上枱嘅時候即刻覺得好驚喜，鹽酥雞扒件件分明，每一件嘅炸粉唔會好厚，肉質都算鮮嫩，最緊要係熱辣辣㗎，唔會擺到凍晒先至上比客人；滷肉飯味道可口，唔會有過多嘅肥肉，食落口唔會覺得油膩感好重，值得一讚。紅燒腱心牛肉麵不得不讚紅燒牛肉湯底好夠味呀，湯底偏向濃郁，加埋台灣麵之後十分惹味；牛腱心都好厚身㗎，咬落口之後直頭係化骨綿掌咁樣，唔會有筋，軟綿綿嘅質感真係好好食。酥炸甜不辣甜不辣嚟講唔算太多炸粉，亦都冇一種油膩感好重嘅感覺，食落口都覺得好煙韌。滷水豆腐隨套餐加嘅滷水豆腐味道濃郁，滷水味十足。芝士奶蓋桂花烏龍茶嘢飲嚟講呢，我就比較偏向茶飲類走甜嘅，因為走甜先至試得清楚個茶底㗎嘛。餐廳嘅桂花烏龍完全冇令人失望，桂花味濃郁，茶味都夠，加埋芝士奶蓋之後係雙重享受。香濃珍珠奶茶奶茶味足夠，茶底尚算濃厚，珍珠煙靭。