HAND3AG (朗豪坊)

營業中

休息中

三文治就食得多，但係鐵板三文治都係第一次食~ 每款鐵板三文治都有好多配料，而且仲會有沙律菜夾埋一齊，一份三文治可以做到唔同層次同埋口感🤩！.歐陸監獄鐵板三文治 ($54)// 超豐富嘅歐陸監獄鐵板三文治～有芝士通心粉、蕃茄肉丸、炸薯餅、甘藍菜沙律、荷包蛋 配H3燒烤醬同埋俄式蛋黃醬🧡。賣相好吸引同埋真係大份到一啖都咬唔曬！有薯餅、芝士通心粉同埋蕃茄肉丸真係抗拒唔到，不過如果薯餅同埋通心粉熟度可以啱啱好就會好食好多😆，同埋私心想肉丸再多啲滿足感會大好多呢(๑´`๑)//慢調撕理食肉獸鐵板三文治 ($62)// 另一厚厚嘅三文治🥪～有慢煮手撕豚肉、車打芝士、甘藍菜沙律、蕃茄、羅馬生菜、炸洋蔥圈 配 焦糖洋蔥蛋黃醬同埋芥末籽蛋黃醬。手撕豚肉份量都幾多，但略嫌肉質偏乾🫣，而且醬汁唔算好多所以整體食落去唔濃，反而帶種健康嘅味道。//辣味脆雞粒 ($32)// 小食又點少得大人細路都鐘意食嘅雞粒呢！雞粒正常同埋加咗辣粉幾惹味。//紫沙冰 ($42)// 好健康嘅沙冰配搭！有藍莓、甜菜頭、紅蘿蔔、檸檬同埋蘋果。成個配搭都好健康而且好易入口😍~飲落仲有少少似利賓納嘅味道。//蜂蜜檸檬特飲 ($38)/