新吉祥海鮮鍋小廚 (已結業)

虹橋有間山西菜的小廚，朋友試過推介試食，佢話抵食過大排檔，所以今日就黎試下佢先。今日7點半到左，要等埋個朋友黎先叫餸，佢8點鐘黎到，我地叫左一個三人餐有椒鹽翠肉瓜豬排、西蘭花炒班球、中式牛柳，另外叫了一個流口水臭豆腐，羊臉肉。先有一大碗既冬瓜湯，飲落好重冬瓜味好足料。流口水臭豆腐果然好食小小臭得黎又酸酸辣辣，有驚喜，而羊臉肉第一次食，食落無咩“騷”味，但都係一般。另外三個小菜都不錯，但味道有啲鹹，可以改善一下。下次可以再黎試埋其他菜色。