106
28
40
等級8
2015-06-04 5782 瀏覽
舊年三月,一班死佬好兄弟入嚟新界西大食遊,先到屯門三聖炒蝦拆蟹食海鮮,再到元朗佳記食B仔涼粉,不過,嗰次喺星期五晚,唔喺好齊腳,無份去嘅自然抵唔得頸,所以,今年就再大搞多一輪,繼年初二月嘅死佬蛇宴迎團年,依次勝完再「聖」再嚟死佬三聖海鮮局 ,可惜嘅喺原本「夫添」15人齊晒,臨時有兩件死佬因事嚟唔到。上次晌三聖村買海鮮就幫襯咗關財記及發記,今次費事煩,全部晌晒發記搞店,「死佬」之一孔Sir發辦揀海鮮,小弟今次被為以重任,負責管數 ,所以,又影相,又記低單價,非常忙碌 ,唯一做唔到喺記低啲海鮮重量,海鮮檔又唔會逐樣同你寫低,要單都喺一張過手寫銀碼單咁大把。搞咗半粒鐘,海鮮就買好晒,一共買咗9樣海鮮,單價如下。不過,小弟唔喺好鐘意啲海鮮唔標價,下下要問,標明價啲客睇啱咪買囉,唔使下下問佢哋,咪可以煩少啲。 花螺 $96/斤 大蟶子 $140/斤 大瀨尿蝦皇 $200/斤 厚肉紅鬼蝦 $380/斤 桶蠔 $160(大杯)/ $80(細杯) 象拔蚌 $360/斤 印尼龍蝦 $480/斤 大扇貝 $68/斤 澳洲鮑魚 $260/斤夾夾埋埋足足23斤嘢,合共$5,180 ,
更多
舊年三月,一班死佬好兄弟入嚟新界西大食遊,先到屯門三聖炒蝦拆蟹食海鮮,再到元朗佳記食B仔涼粉,不過,嗰次喺星期五晚,唔喺好齊腳,無份去嘅自然抵唔得頸,所以,今年就再大搞多一輪,繼年初二月嘅死佬蛇宴迎團年,依次勝完再「聖」再嚟死佬三聖海鮮局
,可惜嘅喺原本「夫添」15人齊晒,臨時有兩件死佬因事嚟唔到。
629 瀏覽
0 讚好
0 留言
上次晌三聖村買海鮮就幫襯咗關財記及發記,今次費事煩,全部晌晒發記搞店,「死佬」之一孔Sir發辦揀海鮮,小弟今次被為以重任,負責管數
,所以,又影相,又記低單價,非常忙碌
,唯一做唔到喺記低啲海鮮重量,海鮮檔又唔會逐樣同你寫低,要單都喺一張過手寫銀碼單咁大把。
340 瀏覽
1 讚好
0 留言
搞咗半粒鐘,海鮮就買好晒,一共買咗9樣海鮮,單價如下。不過,小弟唔喺好鐘意啲海鮮唔標價,下下要問,標明價啲客睇啱咪買囉,唔使下下問佢哋,咪可以煩少啲。
花螺 $96/斤
大蟶子 $140/斤
大瀨尿蝦皇 $200/斤
厚肉紅鬼蝦 $380/斤
桶蠔 $160(大杯)/ $80(細杯)
象拔蚌 $360/斤
印尼龍蝦 $480/斤
大扇貝 $68/斤
澳洲鮑魚 $260/斤
夾夾埋埋足足23斤嘢,合共$5,180
,最貴喺隻龍蝦,3斤幾,成千幾蚊隻,事後我哋都覺得唔划算。
280 瀏覽
2 讚好
0 留言
揀好海鮮,拎去興記代煮,上年嚟代煮海鮮油料費收$52斤,依家已經收$58斤,足足加咗近12%
,所以,我哋23斤海鮮,淨喺油料費都成$1,334
,故此,點都唔好白灼咁老襯,煮法揀啲複雜啲,至少心理上都覺得抵啲,哈哈!
216 瀏覽
1 讚好
0 留言
今次被安排坐晌近門口,出入人來人往,無上次坐到六角亭最入咁好。因為喺星期六晚關係,分咗兩輪時段,雖然我哋6:00pm就到,都已經有唔少客等「開飯」,過多一陣已座無虛席。順道講少少服務,OK啦,唔算好,亦唔算差。
386 瀏覽
0 讚好
0 留言
238 瀏覽
0 讚好
0 留言
401 瀏覽
0 讚好
0 留言
啲海鮮洗洗切切有排搞,所以,我哋預先訂定隻燒鵝,可以食住等。對比番舊年個食評,燒鵝又喺加咗價,加幅10-20%,一啲都唔溫和,舊價喺$100/例牌、$200/半隻、$400/一隻,而新價就$120/例牌、$220/半隻、$440/一隻。
1213 瀏覽
2 讚好
0 留言
馳名燒鵝 $440

燒鵝即燒,所以送到嚟一股香氣,燒得油亮富光澤,入口微暖,外皮油潤香脆,肉質甘香鬆化,比上次好食。
馳名燒鵝
$440
103 瀏覽
2 讚好
0 留言
辣酒煮花螺

花螺跟辣酒煮,就有種必然食法嘅關係,其實花螺有唔少食法:白灼,紫蘇爆炒,醬爆或鹽焗都得。啲花螺辣而有酒香,但肉質就差少少,唔夠爽,唔知喺花螺本身嘅質素定煮得過火。
辣酒煮花螺
114 瀏覽
0 讚好
0 留言
辣酒煮花螺
113 瀏覽
0 讚好
0 留言
豉椒炒蟶子

大蟶子買咗一紮就可以炒出滿滿一大碟,蟶子肥大肉厚,爽口彈牙,豉椒惹味十足,香辣兼備!
121 瀏覽
1 讚好
0 留言
豉椒炒蟶子
128 瀏覽
0 讚好
0 留言
椒鹽瀨尿蝦

泰國嚟嘅瀨尿蝦皇,身形有番咁上下大,所以賣到$200/斤。一人一隻,點明原隻炒,免切,咁先食得夠爽。拆殼後,大啖大啖入口,爽口而香辣,少少鹹味吊起,一流。
104 瀏覽
1 讚好
0 留言
78 瀏覽
0 讚好
0 留言
67 瀏覽
0 讚好
0 留言
椒鹽瀨尿蝦
139 瀏覽
1 讚好
0 留言
椒鹽瀨尿蝦
127 瀏覽
2 讚好
0 留言
油泡紅鬼蝦

鮮蝦嘅種類好多,食得豪氣嘅有虎蝦,不過今次邂逅紅鬼蝦,亦都印象難忘。問店員,紅鬼蝦晌中國水域捕捉,佢無虎蝦咁出身,但就好肥大厚肉,唔喺浪得虛名,一招油泡,蝦鮮味盡出,蝦肉彈牙到不得了,而且,有唔少甘腴嘅蝦膏。
215 瀏覽
1 讚好
0 留言
87 瀏覽
0 讚好
0 留言
油泡紅鬼蝦
104 瀏覽
1 讚好
0 留言
油泡紅鬼蝦
104 瀏覽
0 讚好
0 留言
油泡紅鬼蝦
194 瀏覽
0 讚好
0 留言
薑蔥煀美國桶蠔

上次個砵酒焗美國桶蠔,做得麻麻,煮完之後縮晒水,又無砵酒香。今次改一改,薑蔥煀,兼且加大份量,一份大加一份細,夠晒我哋13個死佬食。啲桶蠔好飽滿,又有蠔味,朕朕薑蔥清香,真喺好食好多。
194 瀏覽
1 讚好
0 留言
薑蔥煀美國桶蠔
110 瀏覽
1 讚好
0 留言
象拔蚌刺身

要咗一條大嘅象拔蚌,學上次咁,一蚌兩食,先嚟一份刺身,感覺好似細份過上次,不過,今次處理我好啲,蚌身切得大塊而薄,所以入口較有爽脆嘅口感,灑點檸汁,再蘸點日式芥末,更能品嚐到當中海水嘅鹹鮮。
61 瀏覽
0 讚好
0 留言
56 瀏覽
0 讚好
0 留言
象拔蚌刺身
92 瀏覽
2 讚好
0 留言
象拔蚌刺身
101 瀏覽
0 讚好
0 留言
椒鹽象拔蚌膽

至於個膽,就試一試椒鹽做,以粉漿炸後再椒鹽炒,不過,唔多好食,一來椒鹽做得唔夠香唔惹味,二來粉漿腍,個蚌膽口感比較韌。反而,上次白灼象拔蚌膽有點驚喜。
椒鹽象拔蚌膽
207 瀏覽
1 讚好
0 留言
印尼龍蝦刺身

龍蝦同樣做個兩食,先上第一食喺刺身,臨尾再上個龍蝦粥。依碟龍蝦刺身夠晒貴,成本成千銀一碟,可能因為貴,所以特別有期望。單講刺身個味道,啲龍蝦確實鮮甜無比
,不過,賣相方面,落晌興記手中,真喺有啲嘥料,切得巖巉之餘,亦厚薄不均,隨意鋪晌碟上,毫無美感
,如果落晌日本師傅手中,相信一定喺另一番景象。
73 瀏覽
0 讚好
0 留言
83 瀏覽
0 讚好
0 留言
印尼龍蝦刺身
101 瀏覽
0 讚好
0 留言
印尼龍蝦刺身
168 瀏覽
1 讚好
0 留言
蒜蓉蒸扇貝

蒜蓉蒸,較少出錯嘅做法,大量粉絲加大量蒜蓉,做法簡單直接。扇貝厚肉挺實,蒜香突出,就連粉絲都好味啲。
74 瀏覽
0 讚好
0 留言
139 瀏覽
0 讚好
0 留言
蒜蓉蒸扇貝
67 瀏覽
1 讚好
0 留言
蒜蓉蒸扇貝
72 瀏覽
0 讚好
0 留言
果皮蒸澳洲鮑魚

上次試過好食,當然要翻兜多一次,豪番晚當然要一人一隻鮑魚。澳洲鮑魚以果皮及蔥絲清蒸,再淋上少少豉油,值得以刀叉嚟享受。鮑魚鮮味十足,滲出淡淡果皮香,入口口感煙韌中有份爽彈,的確回味。
57 瀏覽
0 讚好
0 留言
48 瀏覽
0 讚好
0 留言
果皮蒸澳洲鮑魚
127 瀏覽
0 讚好
0 留言
果皮蒸澳洲鮑魚
82 瀏覽
0 讚好
0 留言
除海鮮加工,興記本身都有唔少小炒,食咁多海鮮,近尾聲梗喺點兩道菜平衡一下啦。炒菜例牌嘅份量一般60、70蚊碟,我哋咁多人,當然要中份先夠食啦,中份就即喺例牌嘅一倍份量,價錢就自動乘二。
1336 瀏覽
1 讚好
0 留言
椒絲腐乳炒通菜 $120
雖然食菜,都先點一客惹味啲嘅炒通菜,好有大牌檔風味,通菜都尚算脆嫩,腐乳又寧舍入味。
椒絲腐乳炒通菜
$120
93 瀏覽
1 讚好
0 留言
蒜蓉炒西芹 $120
另一道炒西芹,西芹入口非常爽脆,帶濃濃蒜香。但老實講,如閣下無必要一定食菜,當然唔建議晌度食啦,百幾蚊碟炒菜喎,雖然包人工、鋪租,諗嚟諗去心理上都喺覺得唔抵囉!況且,你睇我哋碟西芹(中份)都唔喺好大碟咋
蒜蓉炒西芹
$120
127 瀏覽
2 讚好
0 留言
龍蝦粥

上次單尾要個韮王豉油皇炒麵,今次因為買咗 龍蝦,所以,順利成章點咗個 龍蝦粥,加個粥底要另收多$100,感覺都幾唔平。好食都無所謂,不過,小弟就覺得麻麻哋,主因喺兩者好分離,粥底喺綿香嘅,但就無鮮味,粥還粥, 龍蝦還龍蝦
龍蝦粥
117 瀏覽
1 讚好
0 留言
餘興就喺切蛋糕,阿Brown(朱古力紅桑子慕絲蛋糕)就襯晒我哋一班死佬,做人迤吓迤吓,順道賀一賀近幾個月份生日嘅老友。晌興記切蛋糕,喺要收$30切餅費,主要喺佢俾啲碟同膠叉你用,$30都好濕碎啫。
阿Brown(朱古力紅桑子慕絲蛋糕)
126 瀏覽
2 讚好
0 留言
139 瀏覽
2 讚好
0 留言
成晚食咗14道菜,大家飽到上心口。除油料費,茶位、醬料每位收$10,星期六、日、公眾假期嘅晚市要收加一,計埋燒鵝、炒菜、汽水及切餅費,晌興記埋單盛惠$2,692(註:佢張單都寫得好求其,有堆細數佢無列出嚟,我哋又無記低飲咗幾多罐汽水,都喺大概覺得合理就算),計埋發記買海鮮料使咗$5,180,是晚消費用咗$7,872,平均每人六百多啲啲。因為龍蝦兩食都做得麻麻,如果無要隻龍蝦,大家可以慳番百幾蚊,每人落樓唔使五嚿水!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$605 (晚餐)
推介美食
豉椒炒蟶子
椒鹽瀨尿蝦
油泡紅鬼蝦
薑蔥煀美國桶蠔
果皮蒸澳洲鮑魚