水上人魚蛋粉 (已結業)

呢間野都算新開，比較少人，諗住清清地同病人食碗魚蛋粉，而我就順口叫碗牛腩麵食算，真係有驚喜！6舊牛腩居然超肥！1/4係肉，其他係超肥膏！！！嚇我一跳！根本稱不上牛腩，明明係肥膏麵，牛筋都唔係真係好無奈⋯⋯我唔敢食，本來想同店員講下換唔換得，但被友人阻止，見到店員個個行行企企，又有紋身，唔知點解個心有點不安，我承認我地怕事，都係唔敢開口了⋯⋯睇下碗麵食得幾多得幾多啦⋯⋯一陣返屋企搵d零食食下先！後記：我臨走時，見到隔離枱黎左碗牛腩麵，都係肥肉多，即時對佢報以一個無奈眼神I know that feel ,sis/bro!不過溫馨提示一下：如果局住黎，我覺得一定要食魚蛋/魚片粉麵，唔會咁易中伏！祝福大家！～～～食剩都係肥膏遠睇明明似正常⋯⋯近睇真係肥膏多過肉，半肥瘦都好吖，咁肥點食!