泰濃麵 (樂道)

營業中

休息中

早排做嘢經過泰濃麵，發現入面經常滿座，今晚終於有時間嚟試下。餐牌以泰式粉麵及泰式小食為主，粉麵類有三款自選湯底，分別有傳統泰式船麵、冬陰公湯底同清湯湯底。主食有各款雞、牛、海鮮類，麵底有河粉、金邊粉、黃麵等等等，全部都可以自選配搭☺️第一款就揀咗冬陰公湯底配卜卜蜆，麵底揀咗黃麵。先飲咗啖湯底，好足料，辣度十足，味道酸酸辣辣👍🏻海鮮有鮮甜大蜆，仲有彈牙海蝦，黃麵口感煙韌，整個湯麵不錯第二款就揀咗傳統船麵湯底配頂級美國肥牛，麵底揀咗金邊粉。湯底極濃郁，配搭多種香料熬製而成，選用泰國正宗金邊粉，質地順滑特別掛湯！肥牛牛香味濃🐮第三樣就揀咗一款泰式小食，就係泰式炸蝦餅，配搭幾塊炸蝦片😍蝦餅炸得好香脆，爽口彈牙最後就係叫咗杯泰式青檸特飲，真係好解渴，飲完成個人爽曬！