東海海鮮酒家 (已結業)

上星期六真係過得好充實,充實到有d趕時間...放工就去左旺角街市入面既中國冰室食野.因為有人話就來要拆,所以要來食野影相...不過我覺得食物都係麻麻所以都無影到相...後來就去左花墟再回家整左鬆餅同曲奇又趕住出門去食大閘蟹.今次去左東海食套餐.

每人先來個唔知咩翅湯先..不過唔好太期望有咩魚翅啦都係翅邊唔俾好過俾啦..每人2粒蟹粉小龍包..這個就好味啦個皮又薄入面有多汁唔錯, 仲有這一個我最唔識欣賞就係蟹粉配蒜容包...老實講咁樣食d蟹粉真係覺得佢幾腥成個套餐我最唔喜歡就係這道菜.
跟住主角到啦
每人有2隻大閘蟹...雖然細細隻,不過我覺得味道唔錯又多膏...不過其實我食完一隻已經覺得好夠皮,可能我唔算太喜歡食蟹既人..嫌麻煩呀.

最後就係烏冬,白灼菜同埋薑茶湯丸...特別一提真係個烏冬,好煙un好好味....大家對大閘蟹有興趣都可以去試下這個套餐...我覺得都算幾抵架..每人都係$288...(免除所有咩茶芥,加一架)