平成二十二日本料理 (已結業)

好似都好一段時間冇食過日本野啦，今次呢間都係朋友介紹，冇好靚既裝修，但係都叫做坐得舒舒服服既 款式唔會話好多，不過勝在刺身好新鮮，同埋有好多人都抗拒但係我又好鐘意食既希靈魚好多時出面食希靈魚都真係幾腥架，但係呢度又真係唔會喎，希靈魚最吸引既地方就係唔好似三文魚咁只有一種質感，而係又食到果種似熟三文魚之餘，又食到爽口似魚子既質感 所以今次食呢個希靈魚真係食得好開心當然我又唔會淨係食希靈魚咁蝕底啦，佢既帶子吸引不在話下，隻蝦既size仲好驚人添! 不過我反而覺得呢款蝦冇甜蝦果種甘甘地既味道，雖然口感好唔錯，但係如果佢有得揀甜蝦仔我都會揀番甜蝦仔~最後補番兩張好唔靚既希靈魚寫真先