尚苑京滬川菜

營業中

休息中

之前同屋企人食過午餐，已經覺得唔錯。今次專登帶啲鄰居嚟試吓。因為有鄰居鍾意食酸菜魚，今次就可以嗌晒兩樣嘢嚟試。先試咗個小食係啲腐皮包住啲蔬菜嘅卷，感覺都幾清新。跟住個蜜桃骨超驚嘆，啲蜜汁掛住啲骨同埋唔會炸完之後超乾，咬落去好有肉汁，食完呢個，真係想搵一晚出嚟再試去夜晚嘅小菜。反而就唔係好鍾意佢嗰個炸嘅卷，個皮比較厚個餡料就冇乜特別。酸菜魚就可能啲鄰居怕辣，跳晒啲辣椒出嚟，我就覺得可以再辣啲，不過啲魚肉堅揪滑。小籠包、鍋貼同埋樟茶鴨就唔多講啦，返頭再食水準依然冇變，表現幾穩定。申明試次用餐自費，並無享受任何優惠。