薈麵 (已結業)

救命，好肚餓呀！次次十一點食完早餐就開工，唔食 Lunch，下午茶時間緊喺肚餓仔啦！今次嚟到佐敦真喺超肚餓，本來企喺門口篤串粉團燒賣算，點知成間舖頭得一個人做嘢，無人理就唯有走入去食碗車仔麵算！叫咗碗兩餸麵：牛丸，牛腩及粗麵！牛丸叫貨出錯機會超低，好難先做到好難食！但牛腩就真喺偏鹹咗少少，但都叫爽口彈牙，份量啱啱好！花椒八角勁鹹味精車仔麵真喺食過無數次！但個湯底我依個鹹人都覺得鹹，就真喺鹹咗少少囉！小店出品真喺冇乜錯漏，但錯咗幫襯當日，得一個人喺舖頭工作！服務就未夠好！今次 23 蚊車仔麵，小本經營，唔好要求多多啦！