岩浪天扶良日本料理 (已搬遷) 新店位置

今日朋友話股票賺左錢要請我食飯🤣，任我揀🤩， 由於係佢請食飯，所以叫返佢揀😝，佢就帶我嚟到呢間日式餐廳😲， 未入去已經覺得門口好高級好有氣派😍 侍應冇幾耐就安排咗我哋坐👍🏼， 原來呢間係一間omakase 嘅餐廳🤤🤤， 朋友叫咗一個套餐同埋幾款食物🦑，冇幾耐啲嘢食開始嚟，侍應仲好細心咁每一道菜介紹畀我哋聽💯，一開始我哋食咗個前菜，三文魚子腐皮，呢樣嘢食落去幾開胃，口感亦都唔錯，跟住嚟嘅係一件蘿蔔會帶子，蘿蔔帶出帶子嘅甜味，食落去幾清新☺， 跟住到刺身部分，每樣似生都非常新鮮，連大拖羅都有入口即溶嘅感覺🥰🥰，我哋都好欣賞佢嘅刺身，食完刺身之後呢有個漬物，係用醬油醃白子，雖然有啲重口味但係都唔會失去鮮味，到左和食部分，廚師安排咗個大蜆湯同埋一個豆腐鍋， 味道都唔錯😉，之後我哋覺得都好好食嘅就係呢個和牛粒🐮，好香亦都唔油膩，輪到壽司部分廚師安排咗幾款壽司🍣，每款壽司都各有特色， 絕對唔差，黎到重頭戲部分就係呢個蝦餅飯，非常非常新鮮，入口好甘香🤤🤤，食到呢度，我哋都覺得飽喇，廚師安排咗甜品我哋包括有兩款生果同埋一個奶凍🍮， 幫你餐飯添上一個完美嘅句號，呢間餐廳真心推薦畀大家，呢個價錢絕對值得🤑