更多
2011-02-03
20 瀏覽
入冬以來都無打過邊爐，係罪過。今日中午係一人一鍋唔夠喉，夜晚就再打過。見3間牛涮鍋的評分唔算太差，樓下又話有年糕福袋，豆乳湯底又幾吸引，仲有green tea and sesame雪糕，所以無揀牛陣，試試新野。黎到7點鬆D，居然唔便等位之餘入面得5成滿或者D人剛放工加平日吧。侍應好殷勤介紹唔同的湯底同唔同set的牛，我同我朋友最後揀左最平的涮涮牛同豬，試晒2種肉XP 我當然要左豆乳湯底，朋友則要了和牛清湯。唔使一陣，湯底送上，我地都出自助配料bar夾野食同混醬。醬料全都係日式的，有我最愛的芝麻醬日本醬油都唔差。第一輪我食菜先。講真，無論西生菜、唐生菜抑或其他菜，全部都唔新鮮唔靚不過要食得健康，無法啦。至於粟米、南瓜片、白蘿蔔片同秀珍菇就唔錯，特別係白蘿蔔片，好清甜又帶點爽脫；粟米、南瓜片亦有佢地應有的甜味。我亦拎左D年糕同薯糕。年糕唔係咁吸湯，煮好耐都唔係太淋，麻麻地；之前未食過薯糕，texture有D似蒟蒻，仲有D爽口，不過又係唔吸湯的。試完配料，係時候到主角牛肉同豬肉啦。兩者色澤唔錯，前者係鮮紅，後者係粉紅；肥瘦比例大概係2:8，唔錯。兩種肉只要輕輕燙就可食了，牛肉有點韌，無咩牛肉
黎到7點鬆D，居然唔便等位之餘入面得5成滿或者D人剛放工加平日吧。侍應好殷勤介紹唔同的湯底同唔同set的牛，我同我朋友最後揀左最平的涮涮牛同豬，試晒2種肉XP 我當然要左豆乳湯底，朋友則要了和牛清湯。唔使一陣，湯底送上，我地都出自助配料bar夾野食同混醬。醬料全都係日式的，有我最愛的芝麻醬日本醬油都唔差。
第一輪我食菜先。講真，無論西生菜、唐生菜抑或其他菜，全部都唔新鮮唔靚不過要食得健康，無法啦。
至於粟米、南瓜片、白蘿蔔片同秀珍菇就唔錯，特別係白蘿蔔片，好清甜又帶點爽脫；粟米、南瓜片亦有佢地應有的甜味。
我亦拎左D年糕同薯糕。年糕唔係咁吸湯，煮好耐都唔係太淋，麻麻地；之前未食過薯糕，texture有D似蒟蒻，仲有D爽口，不過又係唔吸湯的。
試完配料，係時候到主角牛肉同豬肉啦。兩者色澤唔錯，前者係鮮紅，後者係粉紅；肥瘦比例大概係2:8，唔錯。兩種肉只要輕輕燙就可食了，牛肉有點韌，無咩牛肉味；反之豬肉無筋、唔嚡、又爽口，比牛肉好食得多。兩種肉配上日式芝麻醬都立即昇華，不過芝麻醬本身好味，點食都好味架啦。
第二輪只係再添左配料。鱈魚豆腐同日本豆腐真係超讚，前者十分彈牙、滋味，後者極重豆味，十分滑，加上我的豆乳湯底真係一流享受。我亦試左D稻庭烏冬，係出面夾時見佢一patpat，唔係唔開胃，但係鍋中滾幾分鐘，咬盡湯底的精華，食落煙煙韌韌，好好味呀
清埋D牛肉同豬肉，我同我朋友都叫飽，炒飯同其他配料真可惜地無法一試。
正餐胃飽啦，係時候滿足下個甜胃，食雪糕入黎時見到有4款雪糕，分別係:vanilla, green tea, tofu and sesame。我的target係後3種味道，點知食在一個鐘之後，綠茶同芝麻味己經俾人清光光了，豆腐味亦所剩無多，當時只係8點多，我見侍者無添新雪糕的意欲，算啦，只好食豆腐味啦。'筆'左2大個球，再加點green tea醬。雪糕好明顯係牛奶分司的出品，沒有甚麼好評，不過自家的green tea syrup真係唔錯，非常配合雪糕，令平凡的豆腐雪糕變得不平凡!
牛涮鍋跟牛陣有個共通點，就係豬比牛好，但兩者明明都以牛做賣點??! 不過以湯底、食物種類同質素，牛涮鍋一勝一個'牛位'，想同朋友或家人平平地打下邊爐，就個人而言，呢到都係會係一個選擇。
張貼