倫哥私房菜 (已搬遷) 新店位置

呢間係朋友帶我去食既，食物好多好豐富，首先嚟咗個雞煲先，唔好以為有打邊爐有雞煲佢就會好求其，雞煲又麻又辣，好認真。蠔汁鮑魚夠冧夠入味，蟹湯底用黎打邊爐勁正，海鮮品種都有八款仲要好新鮮！牛頸脊就唔係任食嘅，但就算加單都係加＄39左右，仲要係手切！最主要係大部分啲嘢食都係可以無限再叫，價錢又平，又唔限時，可以舒舒服服咁慢慢食，下次都會再帶其他朋友去食，係可以值得再去嘅餐廳，服務態度亦都好好，所以成個過程都食得好開心！