小甜谷 (已結業)

同朋友響銅鑼灣食完飯，慢慢制左黎大坑食甜品。朋友話呢間小甜谷都幾出名但一直都無食過，於是我同朋友就膽粗粗入去試。抱住甜品差極都有個譜既心態，點左呢間鋪算幾出名既招牌甜品-紅豆牛乳燉蛋白$40 紅豆燉蛋白用外型可愛既玻璃樽裝住，上面既紅豆大大粒，食落都算香甜，於是我就充滿期望咁食下面既奶凍。第一啖：因為沾上左少少紅豆蓉，所以帶點點紅豆既甜味，但完全感覺唔到奶味第二啖：我認真地食左一啖只有白色既蛋白，即刻呆左！點解會無味既？係完全無奶味，連甜味都唔多覺。而質感有d膠膠地，完全無綿密既口感。再食多幾啖：我再認真地試多幾啖，確定下自己既味蕾係咪出左問題，最後既結論係我對呢間野好失望，$40食左幾啖呢個不知所謂既蛋白就放棄左。