夏麵館 (寶石大廈) (已結業)

因為肚餓又想食上海野，即使見到副評如潮，都用於一試。入到去見到人影都冇隻，覺得 伏味濃，坐低見啲碗碟勁汙糟，真係驚。即刻睇食評，果然啲負評唔喺浪得虛名，因為我都幾重視食物嘅溫度，所以我同我先生只敢叫湯面。菜肉雲吞麵 大大碗，熱辣辣，雲吞大大粒，上海麵香軟適中，份量多。除咗菜肉雲吞餡了比較淡，其實尚算可以。酸辣湯麵大大碗，熱辣辣，配料足。酸辣度適中，每條麵都可以掛到汁，10分好食。 上海春卷都夠熱，餡料唔夠，但炸到脆卜卜， 配上佢地嘅醋，好香好好食。雖然食物質素可以接受，但除左碗碟污糟之外，仲有昆蟲飛來飛去，所以應該唔會再去。