影片
更多
2022-04-17
390 瀏覽
星期日仲要係遇上一連幾日嘅復活節假期，下午一點幾黎到，有心理準備要排隊，但好彩有位唔使等，不過就係坐室外。我見在座無食煙嘅客人，今日天陰涼涼地，加上疫情期間坐室外空氣流通d，又對住文物徑的古建築，仲好啦。講返食物先，餐包用牛角包好似係呢度嘅特色。但好可惜，個包唔熱又唔脆，仲要有少少濕氣同埋變韌咗😓落單時店員無介紹今日係咩餐湯，我諗住無得揀都費事問啦，送上枱先知道係磨菇湯。唉…又係令人失望之作。唔夠濃郁都算，但罐頭湯d粒粒都攪唔勻，唔得囉。到主菜喇，揀咗好多食評推介嘅燒豬鞍扒，終於攞返分少少分。賣相同味道都唔錯，一上枱就聞到豬鞍的燒烤味。薯條達到基本要求，熱同埋脆。切開豬鞍，邊位第一件，入口幾爽，有少少厚切豬頸肉的感覺，中厚部份就無咁爽口，但都ok, 唔會實的的，配搭燒菠蘿同埋蘋果蓉，就會無咁乾，酸酸甜甜惹味又開胃。餐飲加10蚊配即磨咖啡，味道都ok，但崩口杯又忍唔住要扣番分。而且落單嘅時候，店員問我餐飲幾時上，本來仲想讚服務細心。我話同食物一齊上就可以了。點知個主菜食咗一半都未上，仲要另一店員拎住一疊單出黎逐枱reconfirm 餐飲嘅orders 。主菜食完喇，比我遲來嗰枱客催餐飲，
講返食物先，餐包用牛角包好似係呢度嘅特色。
但好可惜，個包唔熱又唔脆，仲要有少少濕氣同埋變韌咗😓
落單時店員無介紹今日係咩餐湯，我諗住無得揀都費事問啦，送上枱先知道係磨菇湯。唉…又係令人失望之作。唔夠濃郁都算，但罐頭湯d粒粒都攪唔勻，唔得囉。
到主菜喇，揀咗好多食評推介嘅燒豬鞍扒，終於攞返分少少分。
賣相同味道都唔錯，一上枱就聞到豬鞍的燒烤味。薯條達到基本要求，熱同埋脆。切開豬鞍，邊位第一件，入口幾爽，有少少厚切豬頸肉的感覺，中厚部份就無咁爽口，但都ok, 唔會實的的，配搭燒菠蘿同埋蘋果蓉，就會無咁乾，酸酸甜甜惹味又開胃。
餐飲加10蚊配即磨咖啡，味道都ok，但崩口杯又忍唔住要扣番分。而且落單嘅時候，店員問我餐飲幾時上，本來仲想讚服務細心。我話同食物一齊上就可以了。點知個主菜食咗一半都未上，仲要另一店員拎住一疊單出黎逐枱reconfirm 餐飲嘅orders 。主菜食完喇，比我遲來嗰枱客催餐飲，店員話唔好意思，d餐飲orders 次序亂咗喎……好在我今日唔趕時間，等多陣都ok嘅。
張貼
