金泰皇泰國餐廳 (已結業)

食過呢度既午餐幾次啦，價錢同味道好啱我，而且都幾多選擇。我係南豐返工，通常太累就會就咁行去力生食算。呢個青咖哩，真心推介，因為佢好多蔬菜，除左個碟有啲菜之外，個碗青咖哩汁都裝滿菜，特登「筆」左出黎俾大家睇，仲有我最鍾意既茄子，有時有泰式茄子，但今次無。龍眼冰幾濃幾好飲，都俾左成十粒龍眼肉。佢個冬陰公湯粉都幾好食嫁，個湯好濃，不過偏辣，大家可以試下。好多大卡位 任你坐 一定鬆動又舒服。下次會黎試下個晚餐，我見佢晚餐久唔久簡幾款野做特價。