影片
更多
2020-06-29
916 瀏覽
當晚我同男朋友收工，佢話同埋幾個朋友一齊食，咁就諗吓食咩啦。通常我哋都會去何福堂嗰邊，睇吓啲小菜嘅，因為幾個人嘅話，嗌幾個餸再加個白飯，已經好夠啦嘛。咁話說我就一早係網上外賣平台見過呢間順德小廚嘅，當時因為見到佢啲小菜都比其他小菜餐廳平少少啦，可能都因為佢係corner位所以都比較少見到佢，咁就決定試吓佢啦。咁我哋就六個人，行到埋去嘅時候見到佢入邊係有一張大圓枱 ，其他位置都已經係有人坐滿。咁我哋就企喺門口，期望佢會帶下位，執下枱。點知我哋企晒喺門口，入邊啲服務人員，完全當我哋透明！因為我哋直情喺門口食埋支煙，都冇人問我地幾位🤣相比起何福堂其他餐廳，佢哋積極嘅態度，通常都會問你幾多位啊入嚟坐，呢間直情係好似你鍾意入嚟就入唔入就88咁。咁我哋其中一個朋友就直接入去坐低啦，我哋見狀都入去坐低。點知我見到張枱布唔知係佢冇換到定係點，勁多污跡囉，好似上一手食完直接執走啲碗碟咁，我心諗唔係應該會換枱布嘅咩？我男朋友仲叫我唔好介意咁多仲話呢啲地方係咁😒我覺得唔係囉。跟住嗌左個炒通菜啦 係勁油囉全部都係油 本身通菜就容易吸油 但佢完全係唔知油定係油汁一啲咬口都冇😿我食咗兩條就冇食啦 男朋友鍾意食辣所
咁話說我就一早係網上外賣平台見過呢間順德小廚嘅，當時因為見到佢啲小菜都比其他小菜餐廳平少少啦，可能都因為佢係corner位所以都比較少見到佢，咁就決定試吓佢啦。
咁我哋就六個人，行到埋去嘅時候見到佢入邊係有一張大圓枱 ，其他位置都已經係有人坐滿。咁我哋就企喺門口，期望佢會帶下位，執下枱。點知我哋企晒喺門口，入邊啲服務人員，完全當我哋透明！因為我哋直情喺門口食埋支煙，都冇人問我地幾位🤣相比起何福堂其他餐廳，佢哋積極嘅態度，通常都會問你幾多位啊入嚟坐，呢間直情係好似你鍾意入嚟就入唔入就88咁。
咁我哋其中一個朋友就直接入去坐低啦，我哋見狀都入去坐低。點知我見到張枱布唔知係佢冇換到定係點，勁多污跡囉，好似上一手食完直接執走啲碗碟咁，我心諗唔係應該會換枱布嘅咩？我男朋友仲叫我唔好介意咁多仲話呢啲地方係咁😒我覺得唔係囉。
跟住嗌左個炒通菜啦 係勁油囉全部都係油 本身通菜就容易吸油 但佢完全係唔知油定係油汁一啲咬口都冇😿我食咗兩條就冇食啦
男朋友鍾意食辣所以嗌左一個水煮牛肉。完全零分。完全係辣汁煮牛肉就算數。首先水煮嗰個湯底必須要有花椒八角味先叫合格啦，佢完全係辣油加少少鹹味就算。仲有水煮牛肉我哋期望佢個底會有薯粉啦，係冇㗎！我人生食嘅第一次，個底係冇面冇薯粉。講真🤣唔知係我要求太高定係咩呢，佢連金菇都係比得嗰幾條🤣 反而芽菜就最多。。我一舊牛肉都冇食。
隻雞唔錯，仲有個沙薑汁俾我點。不過重點係凍嘅😞⋯⋯ 最熱應該係我哋叫咗個炸雞軟骨。陣味幾好㗎有五香味，都幾脆幾香口，呢個我係食左兩三粒囉。
總之呢間野應該冇下次啦，性價比好低，體驗又差。
21 瀏覽
0 讚好
0 留言
張貼
