影片
更多
2021-01-16
131 瀏覽
❀ Bamboo Thai #荃灣 ❀❗️奪目火山排骨 嘴刁朋友都覺得好食❗️——————————————————剛喺荃灣如心廣場新開，俾佢時尚又帶點異國風情嘅裝修所吸引，原來另外喺旺角、屯門都有分店，有份大大嚿嘅火山排骨，仲有唔少好評，朋友同我都覺得好食😋聽講佢哋請咗有25年經驗嘅泰籍主廚做顧問，既保留到泰國風味之餘，亦加入左港式元素，價錢合理，鍾意泰國菜嘅要試吓🇨🇷！.✷𝑀𝑒𝓃𝓊✷☞ 火山排骨 (小) $98 (4.3/5)嚟到點都要試吓佢哋嘅鎮店之寶——火山排骨✨！嗌咗細份，但都有成五六嚿大骨，一啲都唔小！用上荷蘭豬頸骨，再加入各種泰式香料而成，肉汁夠晒腍，亦非常入味😋唔夠嘅仲可以點額外嘅香茅、芫荽醬汁，酸酸甜甜辣辣好開胃，唔會覺得油膩🥰。(曾經喺銅鑼灣milu thai食過，嗰個就得一個size選擇，用上長身啲嘅骨頭，所以同呢個細分比就誇張啲，但覺得兩者味道都係不分伯仲).☞ 泰式生蝦刺身 $148 (4.1/5)生蝦刺身一向係我其中最愛嘅泰國前菜🍤！只要生蝦夠爽口，冰冰涼涼再配上酸酸甜甜嘅泰式魚露就夠晒好味！呢個同樣做得到，不過留意佢喺生蝦表面加咗辣椒同埋本身個魚露都幾辣🌶唔食得
❗️奪目火山排骨 嘴刁朋友都覺得好食❗️
——————————————————
剛喺荃灣如心廣場新開，俾佢時尚又帶點異國風情嘅裝修所吸引，原來另外喺旺角、屯門都有分店，有份大大嚿嘅火山排骨，仲有唔少好評，朋友同我都覺得好食😋聽講佢哋請咗有25年經驗嘅泰籍主廚做顧問，既保留到泰國風味之餘，亦加入左港式元素，價錢合理，鍾意泰國菜嘅要試吓🇨🇷！
.
✷𝑀𝑒𝓃𝓊✷
☞ 火山排骨 (小) $98 (4.3/5)
嚟到點都要試吓佢哋嘅鎮店之寶——火山排骨✨！
嗌咗細份，但都有成五六嚿大骨，一啲都唔小！
用上荷蘭豬頸骨，再加入各種泰式香料而成，肉汁夠晒腍，亦非常入味😋唔夠嘅仲可以點額外嘅香茅、芫荽醬汁，酸酸甜甜辣辣好開胃，唔會覺得油膩🥰。
(曾經喺銅鑼灣milu thai食過，嗰個就得一個size選擇，用上長身啲嘅骨頭，所以同呢個細分比就誇張啲，但覺得兩者味道都係不分伯仲)
火山排骨 (小)
$98
32 瀏覽
0 讚好
0 留言
.
☞ 泰式生蝦刺身 $148 (4.1/5)
生蝦刺身一向係我其中最愛嘅泰國前菜🍤！
只要生蝦夠爽口，冰冰涼涼再配上酸酸甜甜嘅泰式魚露就夠晒好味！
呢個同樣做得到，不過留意佢喺生蝦表面加咗辣椒同埋本身個魚露都幾辣🌶唔食得辣嘅就未必接受到。
泰式生蝦刺身
$148
28 瀏覽
0 讚好
0 留言
.
☞ 軟殼蟹米紙卷 $88 (4.4/5)
呢款混入左少少越南港式味道，係好出色嘅米紙卷🤤！
軟殼蟹本身非常香脆，包咗清爽嘅蘿蔔同青木瓜，仲加埋牛油果🥑同芒果🥭，令到成個味道更加鮮甜，口感亦更豐富。
米紙比起一般嘅厚身少少，煙煙韌韌嘅口感好正。
軟殼蟹米紙卷
$88
18 瀏覽
0 讚好
0 留言
.
☞ 招牌蟹肉臘腸炒飯 $128 (4.1/5)
令一加入港式元素嘅菜式💖！
炒飯粒粒分明，唔會覺得油。同埋蟹肉、臘腸、雞蛋、青豆一齊炒，加咗少少辣椒，更加惹味。
唯獨係雖然係表面加咗大量蟹肉🦀但係唔太食得出蟹肉本身嘅鮮甜。
招牌蟹肉臘腸炒飯
$128
19 瀏覽
0 讚好
0 留言
.
☞ 冰川咖啡 $48 (4.2/5)
咖啡整成嘅沙冰配上甜甜地嘅忌廉同埋朱古力醬，本身擔憂過會太甜，結果剛剛好🤩！
咖啡味突出得來又唔會過於苦，係杯好好飲嘅沙冰！
冰川咖啡
$48
38 瀏覽
1 讚好
0 留言
.
☞ 玫瑰黑糖薑茶 $46 (4.2/5)
連薑茶都好出色😚淡淡的玫瑰香氣，滲透着黑糖嘅甜，接着係非常強勁嘅薑味，如果鍾意薑嘅一定會愛上。
玫瑰黑糖薑茶
$46
18 瀏覽
0 讚好
0 留言
——————————————————
✨整體味道: 4.3/5
✨環境裝修: 4.1/5
✨服務態度: 4/5
✨性價比: 4.3/5
✨再訪興趣: 4.2/5
.
💞整體來講
加入左港式元素，係間水準幾高嘅泰國菜，每一道菜都冇令我失望✨價錢亦算合理，環境又靚，係間可以再三回頭嘅泰國菜！
張貼
