康年餐廳 (已結業)

做完嘢返屋企先食又太晏，加上要同同事傾公事，決定響旺角解決,見到有常餐立刻走入去，趕時間嘛。響我9秒9揀左個常餐嘅同時，同事叫左個晚餐，牛尾？佢話呢度嘅牛尾好食，等左一輪，視覺上佢d 牛尾又唔算太 hea ,不過同事覺得味道未夠濃郁，但牛尾算炆得幾淋，分量黎講都算多～我就欣賞佢幾多蔬菜。至於我個常餐，只能用一個字：飽！黎形容。叫左番茄牛通嘅我見到個分量開始是後悔😂太多啦。不過蕃茄湯底都幾甜，可惜通粉太粉，食多兩啖會飽，牛肉都難咬左D.佢個多士唔空氣，放一陣都係脆的，唔錯唔錯，但個炒蛋有點兒hea, 好似求其塞飽你咁。嘢飲我覺得唔算好飲，所以要講嘅話有得選擇當然唔選擇，但夜媽媽唔想再搵地方就無辦法 粗粗地食住先啦。