影片
更多
2024-04-01
142 瀏覽
其實坦白講今日本來唔係諗住去呢間食，浩浩蕩蕩長途跋涉本身係諗住帶阿媽去附近嘅大圍小館飲茶。因為成個假期都冇陪過佢好辛苦咁叫到姨甥仔一齊去因為太早，結果去到話full晒（嗰陣先係11點佢開10:30）都係自己衰，琴日打咗一次電話冇人聽就冇繼續打，如果唔係book咗位就冇事啦，最麻煩係帶住老人家呀嘛，即刻要諗plan B！你知我呢啲人又冇兩手準備😮💨其實帶老人家出街都真係要諗好多嘢，又要make sure佢唔會掃興，好似我帶佢搭車佢都呢樣嗰樣，去到full house佢又面黑黑，其實我都唔想啫 , 我都好期待去飲茶啦。好彩我突然間諗到附近有間日系小屋，好彩行過去都係幾分鐘，但係第二個問題又嚟啦佢開11:30我哋行到去先係11:10。又要老人家等咩？於是又急急忙睇吓附近仲有冇第二間，結果就選中你啦。我見雖然係主打茶（專業嘅泡茶沖茶）好有態度嗰隻，佢都有啲意粉飯之類嘅飽肚物體，都應該媽媽食啦！不過食完之後都係覺得適合悠閒啲坐喺度嘆杯茶食件cake因為啲位實在太迫啦，同埋成個氛圍都係俾人慢活地去享受人生，都唔襯啲人響度食正餐。三個人買兩份又太少，嗌三份又太多 （結果我嗰份叫咗沙律🥗）係有少少後
好辛苦咁叫到姨甥仔一齊去因為太早，結果去到話full晒（嗰陣先係11點佢開10:30）都係自己衰，琴日打咗一次電話冇人聽就冇繼續打，如果唔係book咗位就冇事啦，最麻煩係帶住老人家呀嘛，即刻要諗plan B！你知我呢啲人又冇兩手準備😮💨
其實帶老人家出街都真係要諗好多嘢，又要make sure佢唔會掃興，好似我帶佢搭車佢都呢樣嗰樣，去到full house佢又面黑黑，其實我都唔想啫 , 我都好期待去飲茶啦。
好彩我突然間諗到附近有間日系小屋，好彩行過去都係幾分鐘，但係第二個問題又嚟啦佢開11:30我哋行到去先係11:10。又要老人家等咩？於是又急急忙睇吓附近仲有冇第二間，結果就選中你啦。
我見雖然係主打茶（專業嘅泡茶沖茶）好有態度嗰隻，佢都有啲意粉飯之類嘅飽肚物體，都應該媽媽食啦！不過食完之後都係覺得適合悠閒啲坐喺度嘆杯茶食件cake因為啲位實在太迫啦，同埋成個氛圍都係俾人慢活地去享受人生，都唔襯啲人響度食正餐。
三個人買兩份又太少，嗌三份又太多 （結果我嗰份叫咗沙律🥗）係有少少後悔嘅，雖然都好味。薯仔玉子沙律配咗一個柚子汁（$88）其實佢本身係一個椒麻汁，因為諗住share大家一齊食，又以為佢會冧晒落去，所以就想佢另外俾少少椒麻汁我試吓。其實原來個椒麻汁仲好食。
媽媽就食弄堂茶熏雞配麻油撈麵（$99+$28）「茉莉綠茶latte$42」姨甥仔就叫咗個東坡肉配菜飯（$92+$38）「鍋煮朱古力$42」係呀，全部都要加錢😮💨 嘢飲梗係另計啦。
我另外嗰杯重焙烏龍茶latte$42 同埋要多一件秋栗奶油卷蛋（$58）
加下加下咁就五百幾$600 㗎啦⋯⋯🤑
嘢食方面就唔算得上好好味OK嗰種啦
係個椒麻汁特別啲
嘢飲尚算出色，因為佢真係主打烘焙茶 所以無論係綠茶latte或者朱古力都好似比出面嘅Rich多。（但係我姨甥仔竟然嫌佢太濃得滯）🤪
反而我自己嗰杯烏龍茶latte就麻麻哋（我覺得）
茶熏雞配麻油撈麵
$127
4 瀏覽
0 讚好
0 留言
鍋煮主朱古力
$42
4 瀏覽
0 讚好
0 留言
東坡肉配菜飯
$130
4 瀏覽
0 讚好
0 留言
香草薯仔玉子沙律柚子汁
$88
3 瀏覽
0 讚好
0 留言
重焙烏龍茶latte
$42
2 瀏覽
0 讚好
0 留言
秋栗奶油卷蛋
$58
1 瀏覽
0 讚好
0 留言
張貼
