更多
2023-09-03
126 瀏覽
夏日炎炎🔥 熱到無咩胃口都唔想食熱嘢,有時都想食啲冰冰涼涼嘅嘢食降吓溫🧊 嗜辣嘅我就搵到涼小姐呢間專做涼拌手工川菜嘅外賣店🌶️ 涼小姐喺天后地鐵站附近,位置方便~ 細細間外賣店家庭式經營,透明嘅櫥窗可以睇到小店製造食物嘅情況,乾淨又放心😚😋食物🍽️ 二人套餐 $118🥡 自選五餸 (三素兩葷) - 豬踭肉🐷|牛肉🐮|蓮藕片|雲耳|海帶絲🌶️ 自選涼麵/ 涼皮 - 兩份🐽 自選小食一份 - 小酥肉🥚 燒椒皮蛋 $28二人套餐超豐富🔥 自選五餸有菜有肉夠晒豐富~ 牛𦟌燜得幾香夠入味🐮 豬踭肉(熏蹄)口感彈牙有咬口,食到表皮嘅膠質🐷 麻辣嘢點少得蓮藕片同雲耳呢😋 蓮藕同雲耳食到索索聲好爽口,配埋海帶絲真係好正🔥 套餐可以自選兩份涼皮/涼麵🍜 超推薦麻辣涼皮🌶️ 涼拌涼皮煙煙韌韌,香麻惹味,撈勻青瓜絲同花生等嘅配料食飽足感十足😚涼麵同涼皮嘅配料一樣,不過味道同口感就比較普通,推薦涼皮多啲🍜套餐仲可以揀一款小食,仲要份量十足添🤩 小食必食小酥肉!🐽 五花腩好嫩好腍,炸得香酥可口,面頭灑上香噴噴嘅孜然粉,超邪惡😈我另外仲嗌咗一份燒椒皮蛋🥚 溏心皮蛋有流心效果,一啖咬落去好滿足😌 燒椒味幾香,如果再濃味啲
涼小姐喺天后地鐵站附近,位置方便~ 細細間外賣店家庭式經營,透明嘅櫥窗可以睇到小店製造食物嘅情況,乾淨又放心😚
😋食物
🍽️ 二人套餐 $118
🥡 自選五餸 (三素兩葷) - 豬踭肉🐷|牛肉🐮|蓮藕片|雲耳|海帶絲
🌶️ 自選涼麵/ 涼皮 - 兩份
🐽 自選小食一份 - 小酥肉
🥚 燒椒皮蛋 $28
二人套餐超豐富🔥 自選五餸有菜有肉夠晒豐富~ 牛𦟌燜得幾香夠入味🐮 豬踭肉(熏蹄)口感彈牙有咬口,食到表皮嘅膠質🐷
麻辣嘢點少得蓮藕片同雲耳呢😋 蓮藕同雲耳食到索索聲好爽口,配埋海帶絲真係好正🔥
套餐可以自選兩份涼皮/涼麵🍜 超推薦麻辣涼皮🌶️ 涼拌涼皮煙煙韌韌,香麻惹味,撈勻青瓜絲同花生等嘅配料食飽足感十足😚
涼麵同涼皮嘅配料一樣,不過味道同口感就比較普通,推薦涼皮多啲🍜
套餐仲可以揀一款小食,仲要份量十足添🤩 小食必食小酥肉!🐽 五花腩好嫩好腍,炸得香酥可口,面頭灑上香噴噴嘅孜然粉,超邪惡😈
我另外仲嗌咗一份燒椒皮蛋🥚 溏心皮蛋有流心效果,一啖咬落去好滿足😌 燒椒味幾香,如果再濃味啲就perfect啦😋
💰 價錢
Average price $75/pp
張貼