Burgerman (埃華街) (已結業)

埃華街的糖水店我都已經試過，但係就未有試過主食。等左好耐終於有機會外出食，因為最近比較多自煮…為左平衡番平時自煮既清淡，當然要揀食最肥的XD呢間漢堡店好細，只有兩張大枱和一些面壁的卡位，約17個位，而且全部都係又高又重的高櫈…好似我咁矮小既人坐上去已經有啲困難。之後我要叫男朋友幫我連人帶櫈推番入啲XD其實漢堡種類都算多，不過我同男朋友都不約而同地揀左和牛漢堡。一個regular set可以跟薯條/薯格+汽水。如果想轉其他野飲要加錢，好似要加$20，我覺得好唔抵。每張枱上都有自助既即棄手套、醬汁同餐具tray，都幾方便。有即棄手套真係幾貼心，因為個漢堡好大，如果冇即棄手套一定食到成手都係又要洗手(最近的洗手間好像在街外的老麥)咁食得快餐當然就係想方便。麵包的賣相很好，面頭有黑芝麻同白芝麻。份量算係幾大個，漢堡扒超級juicy，一路食一路滴汁(即棄手套的重要性)不過醬汁好似少左啲，麵包好乾，食到最好我食剩左面頭果半塊包，而且感覺好似烘得比較熱氣。我覺得成個漢堡既精髓都喺漢堡扒度，用料好整個漢堡的感覺都昇華左。薯格比薯條好味，因為味道較濃。其實薯條都唔錯的，夠長，所以食得過癮又滿足。我地九點