名苑酒家 (已結業)

一行十人去食午市飲茶放題，食物只係正常，唔可以話係好食，普通飲茶嘅質素！經常漏單，一路追單，追完又追，都係無！無禮貌，某款食物無哂又唔同講，去到last order叫佢追，又話賣哂、無晒😡無唔緊要，你一早講聲，唔好等人係到白等！！特別係個帶有鄉音嘅白衫枱面，超無禮貌，淨係叫無哂無哂！同經理即場反映，佢竟然答佢都無辦法，嘩呢間酒樓真係唔掂，做唔掂午市放題就唔好做！絕對唔會再嚟😡一間令人失望又失望嘅酒樓！