Lemongrass (已結業)

夜晚嚟到奧海城The Sky睇Avengers4，聽講入場都要排隊，所以就早咗好多過嚟呢邊，諗住食埋嘢，預鬆少少時間，唔洗驚遲入去睇唔到開頭啊。行過見到有間泰國菜，就入咗去試啦，裝修都幾靚，但啲位唔算好坐，有少少窄。一嚟就叫個咖哩蟹，啲餸真係好大碟，隻蟹又好大隻，啖啖蟹肉，好鮮味，又入好入味，咖哩唔會太辣，都幾正。叻沙好足料啊！當然唔少得食泰國菜必食嘅生蝦啦！生蝦夠晒凍，食落好爽口，最重要係個醬都調得好好味啊！