新澳咖啡餐室 (九龍灣工業中心) (已結業)

嗱！老實講一句啦。好懶唔想出去食Lunch，聽同事講呢間新澳啲嘢幾出色，一於就試下佢流定堅。今次我哋一共嗌咗四個餐，送過來好快！辛苦姊姊了！！打開嚇一跳，個個都好滿，滿到瀉，分量十足。-魚香茄子飯。一打開，香氣四溢，魚香茄子口感香脆可口，辣度適中。夠汁水，撈飯簡直不要太好味！！- 水煮牛肉。味道鮮辣鲜香，非常開胃。牛肉適中，唔厚唔薄，辣度和口感都非常獨特。我同事連湯汁（辣椒）都清乾淨！-粟米汁吉列魚柳飯。叫得做招牌，一定有咁上下水準。佢哋啲粟米汁口感濃郁滑順，味道鮮甜可口。魚肉質細嫩，肉質豐腴，口感鮮美。魚柳煎到剛剛好！Good！- 酸菜魚。真係滿到瀉，酸菜同魚嘅份量都好多！口味酸辣可口，十分開胃。湯汁濃郁鮮美，酸辣口感同鮮美口感相結合，非常適合愛吃酸吃辣嘅同事。