影片
更多
2024-01-03
62 瀏覽
孖啡—樓上鋪好大好舒服😌星期日同朋友諗住玩board game渡過一個休閒嘅星期日，一般嘅咖啡店都係主要以食物為主，要樓上舖先會可以無限時坐得咁舒服，一上到去有好多大窗，所以照明度好高，心情唔錯，個人覺得比較好嘅係可以直接喺枱面撳鐘叫職員過嚟，所以唔會有職員喺身邊行嚟行去，唔會好大壓力趕時間咁，感覺幾舒服，仲有好多board game玩，枱夠大玩 rummikub 同大富翁都唔怕，玩完之後就開始叫嘢食！🌼All day breakfast 🍳 有煙三文魚、薯餅、德國腸、茄汁焗豆、炒蛋、沙律、牛角包！全日早餐嘅標準配置都有齊晒，份量都好多，薯餅同德國腸好香脆又唔會太鹹，炒蛋都幾滑身，煙三文魚同沙律份量都多，唔錯唔錯！🌼卡邦尼意粉煙肉意大利粉 $92，跟餐包一杯$38嘅飲品，價錢以上補差價～ 呢個意粉都幾好食，唔會水汪汪，Creamy嘅感覺加埋少少煙肉都好香口，整體比較滑身濃郁嘅感覺，意粉質地唔會太腍，份量都幾多，同西餐廳水準有得揮！野飲叫左🌼蜜桃🍑紅茶同薰衣草花茶，下面有一個蠟燭可以俾你keep住加熱，所以玩好耐杯茶都係仲係熱嘅，仲有得叫職員加熱水，服務唔錯！埋單$237 過左一個又飽又
星期日同朋友諗住玩board game渡過一個休閒嘅星期日，一般嘅咖啡店都係主要以食物為主，要樓上舖先會可以無限時坐得咁舒服，一上到去有好多大窗，所以照明度好高，心情唔錯，個人覺得比較好嘅係可以直接喺枱面撳鐘叫職員過嚟，所以唔會有職員喺身邊行嚟行去，唔會好大壓力趕時間咁，感覺幾舒服，仲有好多board game玩，枱夠大玩 rummikub 同大富翁都唔怕，玩完之後就開始叫嘢食！
🌼All day breakfast 🍳 有煙三文魚、薯餅、德國腸、茄汁焗豆、炒蛋、沙律、牛角包！全日早餐嘅標準配置都有齊晒，份量都好多，薯餅同德國腸好香脆又唔會太鹹，炒蛋都幾滑身，煙三文魚同沙律份量都多，唔錯唔錯！
🌼卡邦尼意粉煙肉意大利粉 $92，跟餐包一杯$38嘅飲品，價錢以上補差價～ 呢個意粉都幾好食，唔會水汪汪，Creamy嘅感覺加埋少少煙肉都好香口，整體比較滑身濃郁嘅感覺，意粉質地唔會太腍，份量都幾多，同西餐廳水準有得揮！
野飲叫左🌼蜜桃🍑紅茶同薰衣草花茶，下面有一個蠟燭可以俾你keep住加熱，所以玩好耐杯茶都係仲係熱嘅，仲有得叫職員加熱水，服務唔錯！埋單$237 過左一個又飽又開心既下午！
張貼
