野見拉麵

營業中

休息中

試業中嘅拉麵店名為"野見"門面幾靚，入面有幾張二人枱同bar位，偏愛bar位可以睇到師父煮麵。當天入座較晚，只剩雞白湯，賣相唔錯，一隻溏心蛋，一塊厚厚嘅叉燒。湯～係濃厚嘅，似粟米忌廉湯，因為湯濃郁所以食到尾，個湯都仲係熱嘅，非常好。叉燒～味道唔錯，因為真係厚，所以少嚡，但都冇渣嘅，中上。雞肉～有兩片，非常嫩滑。配菜～粟米同露筍都爽脆冇渣。麵～用嘅係幼麵，因為湯底濃厚所以都幾掛湯。溏心蛋～調味較淡，蛋香唔錯。熟度如下圖。因為咬嘅，影得唔靚，見諒。我嗰碗嗰隻係我滿意嘅熟度。同行嗰隻就熟咗少少。用餐體驗唔錯，會有下次。