Oops! Ice-cream‧Dessert (已結業)

今日行過英皇集團大厦旁邊，見到店名已覺熟悉，當望入裡面見到黑色時裝紙袋就確認係我平時去開北角健威商場都會入去Oops睇吓衫嘅店，但係點解係賣小食同雪糕嘅？(抓頭)一於入去睇吓先，店面積細細但係有個頗大嘅雪糕櫃，仲有十幾款雪糕選擇，當然要試吓啦。一眼望見我至愛口味:香芋、椰子，即刻order兩球華夫筒。 店員喺一位甜姐兒雖然排晒長龍但臉上掛滿笑容，仲好大力添！個個雪糕球都好大個，唔似名牌雪糕店啲mini size。芋頭味到唔錯，紫色好吸引，而椰子味清香仲有粒粒椰肉，呢兩個口味簡直perfect match呀！一定會再試其他口味。