更多
2024-03-14
50 瀏覽
當晚食左兩碗淨餸總數$140，諗住俾八達通，嘟左兩次都無反應，個後生男仔員工一開聲就話我張八達通壞架，我心諗入嚟食野前响隔離街7仔先啱啱買完野嘟到，唔俾係你部機壞？咁我咪唯有攞銀包裡面唯一嘅百五蚊現金俾，但佢就勁黑面翹起雙手“jet”左我一聲，仲話下次有現金就唔好嘥時間，我真心覺得咩事咁態度做生意，講真啲野食份量搵笨地少已無出聲，淨餸竟然同有粉麵嘅餸量一樣，難道而家免費食唔駛錢？定你想講要傳承以前屋邨樓梯底鬧客嘅作風？我唔駛你講多謝，但請自重！永無下次！
張貼