譚仔雲南米線 (已結業) 查看

不知不覺回歸咗21年。社會有無進步? 唔多覺。有無和諧到? 我淨覺得去食米線時，有種和諧的感覺。因為喺呢到，國內人、本地人，甚至賓賓都有，大家都係一心一意嚟食米線，絕無爭拗。今日，我哋每人一碗米線，加多杯熱奶茶，一齊 share，幾鬼溫馨。佢食，雞肉、豆卜，少米線，番茄湯底。驟眼睇，啲雞肉碎濕濕，唔容易搵到佢出嚟食。反而，豆卜就大大舊。我食，墨丸、炸魚片頭米線，麻辣5小辣。雖然是5小辣，但係條脷都有晒反應，有少少發麻，但又幾過癮。炸魚片頭，好爽口。墨丸就好彈牙，充滿墨魚味。米線當然係滑滑溜溜啦。八十一蚊，午餐都算係咁啦。