咀妙妙甜品 (已結業)

今晚我們喺旺角食完拉麵之後去咗豉油街嘅「咀妙妙甜品」食飯後甜品！我們叫咗心花露放、生磨芝麻糊湯丸、芒果黑糯米同椰明珠！心花露放係香甜嘅楊枝甘露配上嫩滑嘅豆腐花加埋煙韌嘅水晶珠組成，感覺都幾特別，味道好清甜！生磨芝麻糊湯丸嘅芝麻糊非常香滑濃郁，湯丸入面都係芝麻餡，味道好香甜，質感好煙韌軟滑！芒果黑糯米嘅芒果都幾新鮮香甜，黑糯米唔係好煙韌，份量亦比較少！椰明珠嘅明珠係用煙煙韌韌嘅西米皮包著香甜嘅麥提莎朱古力，感覺都幾特別，椰就係椰汁同西米做底，加埋舖面嘅一啲朱古力碎，味道都幾香甜！