Hotshot (已結業)

夏天嘅Weekend嚟淺水灣要預左人多，12點幾嚟到好彩唔洗等太耐。the pulse啲西餐好似間間都差唔多樣、食差唔多野，classified呀the coffee academics嗰啲周圍都有，就揀間未見過架啦。價錢都係咁上下，食物只係最普通嘅野，搵樣特別啲嘅都冇。呢個藜麥沙律，淨係得啲greens，加兩條蘿蔔同幾舊橙，得個酸字，我估係落檸檬汁？總之好寡好冇層次，明明藜麥沙律可以好好食，好彩唔係第一次食藜麥，如果唔係會俾呢個沙律嚇怕。味道最正常係呢個，但只係暖暖地，唔係即炸。個bagel好細個，包好靭，燻牛肉係黑色一片片肉乾咁，又冇乜汁，鞋烚烚乾爭爭，都幾難食。埋單四舊水，以地區、裝修嚟講係合理價錢，但食物咁嘅質素，好難有翻頭客。