影片
更多
2015-10-31
486 瀏覽
「友心私房菜」位於渣甸中心10樓，係銅鑼灣地鐵站 F 出口行5分鐘就到，上到10樓一出升降機門，就見到牆身大大隻字寫住「友心酸辣粉」，晚上7點鐘到上到黎，已經唔係好多座位淨啦，坐低後店員好快就為我地奉上兩杯水及餐牌，仲介紹左少少菜式俾我地，不過因為同行既朋友之前黎過，所以最後都係由佢渣主意。老成都蒜泥白肉: 呢個蒜泥白肉係將白肉切成薄片，面頭再加用大量蒜蓉磨成既漿整成，賣相呈橙色，好吸引，入口會有好大陣蒜蓉味，辣味亦都會慢慢慘出，食落真係好剌激過癮架。野生大腳菌螺頭燉鮮雞: 老火湯落飲落好鮮甜，料都落得好足，一D都唔肥膩，湯飲落好鮮甜，越飲越開胃。銅盤金椒脆魚鍋:呢個脆魚鍋有分標準同加大兩個SIZE，我地咁少人當然叫左個標準SIZE算啦，但諗都無諗到原來係咁大份架，相信4個人食都得呀。至於辣度有分6種，分別係：走辣，BB辣，小辣，中辣，大辣，勁辣，而我地今次揀既係小辣。上菜後即刻聞到陣陣花椒香味，魚肉浸左係個麻辣湯底到，令到每一片魚肉吸到湯既辣味，個湯除左魚之外仲有唔少配菜，包括豬紅，菇，黑木耳，芽菜，同埋芫茜等等。魚肉好夠滑，入口彈牙，就算係湯到大停咁翻滾都唔會煮爛，唯一唔好處既係D
「友心私房菜」位於渣甸中心10樓，係銅鑼灣地鐵站 F 出口行5分鐘就到，上到10樓一出升降機門，就見到牆身大大隻字寫住「友心酸辣粉」，晚上7點鐘到上到黎，已經唔係好多座位淨啦，坐低後店員好快就為我地奉上兩杯水及餐牌，仲介紹左少少菜式俾我地，不過因為同行既朋友之前黎過，所以最後都係由佢渣主意。
老成都蒜泥白肉: 呢個蒜泥白肉係將白肉切成薄片，面頭再加用大量蒜蓉磨成既漿整成，賣相呈橙色，好吸引，入口會有好大陣蒜蓉味，辣味亦都會慢慢慘出，食落真係好剌激過癮架。
野生大腳菌螺頭燉鮮雞: 老火湯落飲落好鮮甜，料都落得好足，一D都唔肥膩，湯飲落好鮮甜，越飲越開胃。
銅盤金椒脆魚鍋:呢個脆魚鍋有分標準同加大兩個SIZE，我地咁少人當然叫左個標準SIZE算啦，但諗都無諗到原來係咁大份架，相信4個人食都得呀。至於辣度有分6種，分別係：走辣，BB辣，小辣，中辣，大辣，勁辣，而我地今次揀既係小辣。上菜後即刻聞到陣陣花椒香味，魚肉浸左係個麻辣湯底到，令到每一片魚肉吸到湯既辣味，個湯除左魚之外仲有唔少配菜，包括豬紅，菇，黑木耳，芽菜，同埋芫茜等等。魚肉好夠滑，入口彈牙，就算係湯到大停咁翻滾都唔會煮爛，唯一唔好處既係D魚太多骨，食落會好攰，如果可以轉種少D骨既魚就好啦。
乾煸四季豆: 呢個菜睇落無咩特別，因為都係家常小菜，但係呢到真係煮得好惹味，四季豆加左大量既肉粒後炒得香而爽脆，幾適合用黎送飯。
重慶辣子圍蝦: 呢個菜睇落似好辣，因為見到既既辣椒仲多過蝦，但係實質辣度都係中辣程度，辣味仲似係漸進式既，越食越辣。蝦殼薄身香脆，容易咬破，唔洗用手咁麻煩。至於蝦肉好新鮮而且有爽彈感，亦唔會俾辣椒蓋過左蝦既鮮味。
總括黎講: 水準高，食材新鮮，食物又好味，而價錢又合理，不過一次過叫咁多辣野似乎多左D。張貼
