更多
2014-06-24
4798 瀏覽
朋友生日，朋友話想試下呢間日式放題。我地三個7：00鐘到左，唔多人，環境都唔錯，我地坐卡位，好舒服。食物係自己係張order紙tick,款式都有好多，沙律，炸物，燒烤，麵同烏東…當然主角刺身同壽司一定唔小得。咁多種食物最出色都係刺身，上枱時每款都好新鮮，賣相亦很吸引，溫度夠凍--最怕食室温刺身，各款魚都很鮮甜，以呢個價錢算係高質素。其他食物都唔差，好似炸蝦天婦羅，個皮算薄，脆口又唔油膩，但蝦就比較細。沙律我只係叫左蟹子沙律，我一個人order左三次就知有幾好味啦，其實呢個沙律都唔係易做ka，切青瓜條嘅方法同粗幼都好影響沙律嘅味度，如果全部去皮就會好食好多，佢地個蟹子沙律就係青瓜較軟身同幼，容易伴埋蟹柳絲，蟹子同沙律醬一齊食，好鍾意呀！講到壽司，我覺得都好出色，米粒軟硬適中，唔散又唔乾夠潤澤。壽司飯面件刺身當然質素一樣好，但因為放題，飯，麵都係食唔得多…唯一一樣覺得要改善係個燒烤同串燒，唔知係肉唔新鮮定係燒到過耐，好硬好乾，好似放左好耐咁，我唔鍾意。整體黎講除左刺身表現較出色之外，其餘食品味道較為參差，如果要二選一，我都係會幫襯反之前團購間酒店日式餐廳嘅放題。最後要讚下員工嘅服務態度，動
食物係自己係張order紙tick,款式都有好多，沙律，炸物，燒烤，麵同烏東…當然主角刺身同壽司一定唔小得。咁多種食物最出色都係刺身，上枱時每款都好新鮮，賣相亦很吸引，溫度夠凍--最怕食室温刺身，各款魚都很鮮甜，以呢個價錢算係高質素。其他食物都唔差，好似炸蝦天婦羅，個皮算薄，脆口又唔油膩，但蝦就比較細。沙律我只係叫左蟹子沙律，我一個人order左三次就知有幾好味啦，其實呢個沙律都唔係易做ka，切青瓜條嘅方法同粗幼都好影響沙律嘅味度，如果全部去皮就會好食好多，佢地個蟹子沙律就係青瓜較軟身同幼，容易伴埋蟹柳絲，蟹子同沙律醬一齊食，好鍾意呀！
講到壽司，我覺得都好出色，米粒軟硬適中，唔散又唔乾夠潤澤。壽司飯面件刺身當然質素一樣好，但因為放題，飯，麵都係食唔得多…
唯一一樣覺得要改善係個燒烤同串燒，唔知係肉唔新鮮定係燒到過耐，好硬好乾，好似放左好耐咁，我唔鍾意。
整體黎講除左刺身表現較出色之外，其餘食品味道較為參差，如果要二選一，我都係會幫襯反之前團購間酒店日式餐廳嘅放題。
最後要讚下員工嘅服務態度，動作夠快又有禮貌
希望其他食物可以做到刺身咁出色啦！！！
張貼
