美食之源 (已結業)

繼續窮鬼覓食，食完一番風味，仲有$34剰，行經隔離店美食之源，見到食物又好似好平，食埋呢餐應該夠飽，點了$10三隻蒸粉果，見到相信是老闆從大蒸爐取出一碟粉果，倒入一個外賣發泡膠盒，我示意堂食，而店內只有一張枱，可供2至3人堂食用；粉果夠大隻，粉果皮夠通透之餘又煙韌，裏面非常足料，有花生、豬肉、菜脯、冬菇、韭菜、蝦米、粉葛等，夠香又好咬口，二話不說已了結3隻粉果。$10三隻粉果，真是窮人恩物。