愛爾蘭瘋薯 (已結業)

有個所謂的親戚話約我daddy出來見見面飲下茶仲好似話有d野比佢，不過點知daddy突然發高燒無辦法應約，但佢老人家係勁怕放飛机的人，於是就叫佐我去。 我同果位親戚見過幾多次面我都忘記佐，我打電話同佢溝通過之後，我真係嚇一跳! 佢竟然要我去東涌會面囉!!! 東涌?? 我住屯門呀大佬! 玩我呀! 佢又唔係乜野七老八十的老人家，遷就下都唔得? 我真係 XZ#Y 十八字真言都出晒，不過無法子因為我daddy要我去! OK囉, daddy迫我去，咁我又迫我個仔要佢跟我一齊去囉! 一級壓一級，反正我地未去過東涌，又食佢一餐都好呀! 老連咁遠，見面後原來係條友仔派貼嫁女。。仲串爆我! 話佢個女好生性，唔似我咁有仔冇老公!真係嬲到爆，跟住仲話我個仔成十幾歲仔仲好似呆呆地咁! 我真係   and then 佢問我地餓唔餓，因為佢仲要去派貼 sorry 下次先請食飯囉。Cheap 到呢! 唉算數! 我地自己找野食! 結果找佐呢間(芝士薯條)味道好好，話晒都係o岩o岩炸出黎，d芝士都仲係半溶狀。雖然味道都幾鹹下，不過乜都好啦，原來薯條都可以做comfort food。一碗薯條梗係頂唔到肚啦，我地仲去食其他