印尼沙爹屋

營業中

休息中

之前試過一次六點幾黎到想買印尼黄薑飯食，結果賣晒，食閉門羹。今晚再接再厲，抱住失望既心理準備去，結果竟然有，因為我去到都已經八點幾。今晚依然係好多人排隊買外賣。買完等左一陣，比想像中快就有啦。去左隔離個小公園食。打開個飯盒，估唔到有餸架，我以為剩係得黄薑飯，點知仲有一隻雞翼，一塊牛脷，一塊薯仔，兩塊青瓜，花生粒仲有蛋絲。成件事變得好豐富。食落好有印尼風味，飯粒粒分明，係我鍾意既乾身飯。牛脷夠淋，花生夠香口，只係雞翼偏乾。整體黎講都ok。留意返印尼黄薑飯得星期六日先有供應。