泰國翟道翟街頭粉仔 (已結業)

之前睇過本雜誌介紹，今日終於有時間去試一試，一去到間鋪頭覺得幾有型，用曬BoB Marley啲油畫，海報，音樂，擺設。本人去泰國都已經十多次了，每次去到都必食當地街頭粉仔，朋友就形用係烏蠅粉，因為泰國某啲地方真係好多烏蠅。今日香港有個環境干淨，衛生既地方，但就吾知味道如何。坐低就有個泰姐介紹有米粉，金邊粉，葛粉。她說葛粉比較特別，我試了湯葛粉，我女友就試金邊粉，再叫鳳爪和木瓜沙律，不久湯粉同小食都到了，一試淡湯十足十有返曼谷泰國清湯味，再加辣粉花生碎，少少糖、最估吾到仲有乾蒜、辣菜莆，雖然份量吾多，但見店主都好細心設有加底，但去過泰國食過既人都一定知泰國粉仔既份量就係咁多！如果你覺得份量少，不妨去正宗泰國雜貨鋪買個正宗泰國公仔麵或米粉，你就知份量有幾多。可能呢個就係泰國人既特式之處。臨走再同個泰姐傾計得知湯底係用返豬骨、甘筍、洋葱等地道香料文火熬成！總括來講葛粉特別、鳳爪爽、木瓜沙律新鮮。