Dodam Chicken (利舞臺廣場)

營業中

休息中

之前一直都有係網上見到有人推薦三重芝士脆雞，一直都好想黎試，終於提起決心黎啦🤭餐廳有set lunch亦都有普通meun比你選擇。叫野食之後，你可以任食佢出面既前菜（粉絲同泡菜），我淨係試左粉絲，不過不失啦，以前菜黎講都幾唔錯既。我地最後叫左一份雞同一份set lunch。只要係叫set lunch，就可以加$5再要多包飲品。三重芝士脆雞 ($198)：呢個真心好好食，係我好推薦試既。我一開始以為得雞同芝士，點知原來仲有年糕、芝士獅子狗、菇同菜，好足料，我兩個人都食唔曬，分分鐘夠三個人食。佢本身個雞已經醃得好入味，有點辣，唔鐘意食芝士既人可以就咁食雞。麵包入面既芝士比外圍既鹹同濃味，用黎點雞又係另一番風味，好易就可以將芝上卷上隻雞度，瘋狂有拉絲效果，個人鐘意呢隻芝士多d。唔好睇佢裝住芝士個麵包好普通，食落係外面脆入面好軟熟，撈埋入既芝士食超夾！芝士蛋溶岩泡菜炒飯 ($72)：呢個係個set lunch，跟湯同飲品，可以係佢雪櫃裏任選一款 （汽水要加錢）。個炒飯外貌好吸引，撈起黎個陣仲會睇到一絲絲既芝士，聞落都好香。不過我就嫌佢味道唔夠濃，同埋泡菜既味道偏淡。