棽粵

營業中

休息中

秋冬當然要進補禦寒是必須的, 今日同啲朋友仔一齊去咗銅鑼灣棽粵食下粵菜, 睇天氣報告話嚟緊會好凍所以相約一齊去食下羊腩煲同一啲禦寒食物, 我哋一行八人大伙兒一齊進寶！我哋呢一日就相約大家喺銅鑼灣謝斐道535號Tower25樓呢一間名叫"棽粵"粵菜食下佢嘅禦寒進寶食物睇下係咪真係咁暖身先...我哋一齊人就開始點菜, 揀選咗一煱古法扣鱔皇, 一個大大煲嘅羊腩煲禦寒必選, 一個生炒臘味糯米飯, 同埋一個必選滋補嘅禦寒蛇羹.頭盤上菜先嘅係蛇羹配備卜卜脆嘅脆片白菊花同香料加上紅醋, 一食已經好暖胃！ 第二道菜上嘅係支竹羊腩煲, 大大片支竹配上大大舊嫩滑肥美嘅羊腩肉再點啲腐乳食口感果然一流, 最緊要係有我最鍾意有好多片嘅支竹、馬蹄同冬菇添, 食完個羊腩煲仲有大大鍱生菜食 可以撈埋佢啲羊腩汁滲透落去生菜度真係好好味好好食, 伴隨上碟就係一個大大煲嘅大鱔皇, 個鱔皇真係稱得上係大鱔皇好似我手臂咁粗架！我平時唔食鱔我都要試下佢有幾好味, 割癬藥真係好嫩滑入口即溶妙絕妙絕！ 最後一味餸就係臘味糯米飯啦, 啲糯米晶瑩通透軟硬適中份量十足, 加上仲有啲蛋絲同埋蔥花十分惹味！不可不提就係餐廳內有一個大陽台可以為