韓膳宮韓國料理 (已結業)

喜愛韓燒，因為可以親手烤肉，要幾熟，有幾熟，加上即烤即食，又新鮮又熱哄，非常惹味。但因烤肉比較熱氣，所以每隔一段時間，才吃一次。最近食指又動，今次目標是尖沙咀韓膳宮。韓膳宮佈置簡潔，座位舒適，環境不錯。坐下點了特選牛肋骨(醃)($150)、雪花牛柳 ($150)和高麗人參雞湯 ($80/小)濕濕口。侍應先奉上基本韓式前菜，有大豆芽菜、醃白蘿蔔、泡菜、菠菜、西蘭花和鹹魚仔。先嚐前菜，再嘆主菜。幾個前菜都製作認真，味道不錯。特選牛肋骨(醃)由秘製醬汁醃過、牛肋骨雖整條上枱，實已切成小塊，方便逐一燒烤。烤熟後，牛肉鮮嫩、肉汁豐富，十分好味。雪花牛柳切成薄片，堆砌成蓮花狀，中間放上洋蔥和鮮菇，賣相吸引。牛柳切成薄片，一烤即熟。牛柳帶點油花，烤熟後，牛肉入口即溶，再蘸一點麵豉醬和生菜混吃，真是惹味。吃完烤牛肉，再來客高麗人參雞湯消消熱氣。人參雞湯是韓國進補精品，膳善宮人參雞湯水準不錯，用料十足，傳統材料如糯米、人參、紅棗、大蒜和栗子等樣樣齊，老火人參雞湯雞味參味濃郁，又熱又香，連湯渣也全吃掉。