大家樂 (已結業)

自從舊年見到大家樂嘅負面新聞後，好耐好耐冇食佢嘅下午茶啦。真係好唔想食美心/Can-teen，於是今次嚟食番大家樂。叫咗個慣性食嘅燒鴨瀨粉，燒鴨雖然唔會係脆皮，味道遠遠不及燒臘舖頭，但已經唔錯，送埋兩棵小唐菜, 同埋d瀨粉份量都算多，仲比埋酸梅醬添，抵讚！ 另外，友人叫咗個特式芝士厚多士配炸菜肉絲米粉。半份厚多士補滿芝士同腸仔片，頗香口! 炸菜肉絲米粉嘅份量都唔少，幾好味！ 仲記得以前，只要喺大家樂買任何茶餐，就可加分別$3及$5, 換一碗火腿通粉or炸菜肉絲米粉啦！但今時今日，當然冇咗呢支歌仔唱啦l燒鴨瀨粉下午茶餐...$23特式芝士厚多士配炸菜肉絲米粉下午茶餐...$21