屋台料理

營業中

休息中

平日晚飯時間去買外賣，見好多人排以為好好食，最後先發現原來係出餐慢到排長龍…我叫左個唐揚雞飯，前面得5張單，但等左半個鐘先拎得。中間等到唔耐煩望一望舖內，原來佢個炸爐細到淨係炸到大約兩份野食，但舖頭大部分野食都係炸物同串燒。最離譜係，我前兩張單有個妹妹等左好耐，問姐姐有未，姐姐話等多陣，差兩串雞串燒，內場個男人(老闆)聽到後態度好差燥住咁同姐姐講：「你叫佢取消啦，退返錢比佢！」原來自己出餐耐仲可以燥返個客催佢，直接叫人取消唔做。最後，我等左半個鐘嘅唐揚雞飯，得4舊咁多，冇任何配菜，完全唔夠送飯，連沙律醬都比得超級慳皮。4舊雞等半個鐘，食老麥好過。