安南越式牛肉粉

營業中

休息中

呢日落雨，晏晝冇出去食，只係喺公司食杯麵。放工好肚餓，拿拿淋行去大有商場搵食。原本想食西式，點知間餐廳原來裝修緊，呢個時候就見到安南原來下午茶供應到六點，實在太好喇。我去到的時候好多位可以任揀。我要咗生牛河，份量都幾大下，女士一定夠食。味道就普通，冇乜特別。飲品就要咗咸檸檬水，個味道好怪，純粹唔啱我口味。五點四十分左右開始，就好多人入黎趕食下午茶。我覺得都幾好，唔駛加一，份量OK，好適合老友記或者女士。服務態度就不過不失，地方都算叫闊落，灣仔區唔可以太多要求。