威威小食

營業中

休息中

耐唔耐都會返嚟呢度食車仔麵，不過通常都會嗌淨餸，由細到大不嬲都會叫通菜、魚肉、蘿蔔、豬手同埋豬腸，不過而家戒咗豬腸，頭先喺度諗緊叫啲乜餸代替豬腸，我記得上一次叫過雞翼嚟食，覺得唔係好適合我口味，老闆娘見我諗咗咁耐，就推介我食香茅豬扒，好！一於信下你。當我食第一啖香茅豬扒嘅時候，好食！估唔到咁有驚喜，佢塊香茅豬扒似一間叫做小巴黎嘅越南餐廳賣既香茅豬扒味道，起碼九成相似，我鍾意❤️所以我下一次都一定會叫香茅豬扒。