Hotshot (已結業)

因為要做一件影響下半生嘅重要事，所以要一早入淺水灣！大大話話，成二十年無落過淺水灣嚕，面目全非！做完我想要做嘅事之后，緊係醫肚啦，我早餐都未食晨嘅早飛入黎架。𠵱！依家淺水灣海邊有個商場喎，幾時起架？我太耐無黎了，睇吓有咩食先！因為時間尚早，商場都未營業，好彩都有兩三間食市開咗。行到 hotshot，人最少，於是乎走咗入去幫襯。黎到哩d高尚地方食野，貴就緊架啦！點咗一個野菌奄列同鮮果沙律做早餐。野菌奄列無我地一般茶餐廳咁肥膩，係奄列入面都有野菌，喂，鋪係面頭d野菌又鋪得幾靚啫！第一次食早餐食成兩個鐘，食吓停吓傾吓望吓聽吓歌，其實兩個鐘好快就過！係 HotShot 有一種超憂閒感覺，你突然會感覺世界停頓哂，所以我慢慢去享受個早餐。