鈴木珈啡館 (已結業)

同朋友去德福睇完戲，第一時間緊係去醫飽個肚先啦。而最近最方便，莫過於隔離e間鈴木咖啡室。其實之前喺第二間分店食過 麻麻地，但係適逢今日禮拜五晚又太多人呀，太多人排隊食嘢而我哋又肚餓，唯有畀多次機會佢啦。本身呢個軟殼蟹明太子忌廉意粉已經要成98蚊，我哋跟埋餐包一杯餐牌特飲同埋一個沙律，就要加多49蚊，計加埋1，啫係咁樣一個人食就已經要成一百六十幾蚊。我諗呢個價錢已經食到好多高高檔次嘅西餐廳。而食物質素，呢個軟殼蟹其實炸得唔錯，幾新鮮，但係外層粉太厚，唔夠脆，口感差咗少少，而且個軟殼蟹就太細件。依個意粉味道唔差嘅，明太子配忌廉係唔錯，但係略嫌嗰個汁太多水，令到個賣相唔討好，搞到好似係湯意粉咁樣食，奇奇怪怪。 個沙律味道 中規中矩。落咗唔少嘅黑醋喺入面，酸酸甜甜。菜呢既種類就唔夠多，而菇類切得比較大件，唔易入口。我哋跟餐揀左榛子綠茶。我哋叫咗小甜，點知唔知係個職員唔記得咗order小甜定點， 畀咗一杯勁甜嘅我哋。 但真係入唔到口， 就同職員換咗杯。 當然職員嘅語氣態度都麻麻地， 狀什不滿。 其實呢杯飲品都只不過係一啲綠茶粉沖水，再加啲榛子奶同忌廉，但沖得一啲都唔好飲。最後講返呢個辣肉腸piz