唯珍上海麵家 (已結業)

我好鍾意食上海麵。放工唔太肚餓，本來諗住行去食米線，點知經過呢間睇落有點舊嘅上海麵店，忍唔住就入咗去試下。😋點咗個酸辣雲吞麵，都幾大碗，有四大粒白菜豬肉雲吞，酸辣湯好足料。可以選幼麵或粗麵。👍我選了粗麵，佢個粗麵係幾好食，不過食完覺得好飽，下次可以就咁點酸辣雲吞湯，有八粒雲吞，唔使加麵，同價，抵食。對我嚟講我覺得個酸辣湯有少少太辣，食到出晒汗。😜小店主要係食麵類，另外都有飯，不過就無飽點類，即係無小龍包，鍋貼嗰啲。